假日蝦蝦燒368蚊任食任燒（要加一）
入到黎覺得呢到好大，好光猛，坐得舒服，周圍都見到d 蝦係枱隔離既水箱。侍應都好有禮貌，解釋曬d 桶同d 鉗點用。
個爐有兩層，上層燒海鮮，下層bbq , 可以兩層一齊燒，好貼心設計。
出面有好多野食可以揀，有好多海鮮。想食蝦，就要係隔離水箱自己夾d 蝦上黎，所以隻隻都保証新鮮。除左蝦之外，仲有好多海鮮可以燒，扇貝，鮑魚，魷魚等等，樣樣都新鮮，唔係d 死海鮮貨，燒完，隻隻貝都出手，加埋d 蒜落去燒，認真一流juicy 又鮮味。
傳統BBQ類都有丸類，香腸，菠蘿呢d 。都唔錯，但呢度主膽係食海鮮，我就冇食太多了。
海鮮食完1 round 又1round , 我地食成3個鐘先閃人，夠曬滿足👍👍👍👍
呢間價值上望落唔係特別平，但勝左性價比超高，呢個價值食到好食既任食海鮮，性價比一流。
