金牌小龍 (已結業)

同友人喺尖沙咀行街，行过餐厅见到价钱唔算好贵，就入去试下。莴笋丝好清新爽脆，加咗醋食落酸酸地好开胃，可以当前菜。鸡丝粉皮加咗好多麻酱，好浓味。粉皮好软滑，但鸡丝有少少嚡。整体都好食。鲜虾红油抄手皮薄馅靓又足料，点埋香辣酱汁好好食！金牌小笼包一笼有五粒，薄薄嘅外皮隐约透出馅肉嘅粉肉色，一咬鲜甜嘅汤汁喺口腔中爆发，加埋姜丝同醋令味道更添层次。红烧牛肉面嘅牛𦟌软硬适中几入味，但面条唔算好爽口弹牙，汤底亦比较清淡。油葱拌面面质几弹牙，味道清清淡淡都唔错。冻柠宾够解渴，几啱夏天饮～