影片
更多
2019-04-13
2899 浏览
好耐未食過燒肉放題了，朋友介紹左呢間位於旺角創興廣場嘅「德家燒肉放題」， 一於趁今日星期六放假就殺上去食。食。食啦🤣.「德家燒肉放題」喺創興廣場嘅4樓，記得係要搭升降機，扶手電梯係上唔到㗎🙆♀️.餐廳分為三區，左區為燒肉區，右區為火鍋區，而中間大堂係自助區。裝修以黑色格調為主，室內環境寬敞，乾淨企理～由於我哋係食燒肉，當然就分配去左區啦🙆♀️.每張燒肉枱都設有梳化椅同獨立抽煙系統，既可坐得舒服，亦可避免油煙過多嘅情況，食完後件衫仲唔會有太多嘅煙臭味添👍.德家嘅燒肉放題分為兩種，一種係牛肉盛燒肉半放題（$258），而另一種係海鮮刺身盛燒肉半放題（$308），都係120小時任飲任食❗️加多$50就可以任食海鮮同刺身，好抵食呀😍 不過，由於呢排食得刺身多，所以就冇揀到🙈另外，無論揀邊種放題，都會送燒蠔盛盒同埋雪糕杯，仲係Movenpick/Haagen-Dazs 嘅添💕.牛肉盛燒肉半放題主要包括一份五款特選牛肉，42款任點食材同自助區嘅配料&飲品。.五款特選牛肉呢五款特選牛肉包括有牛肋肉，厚切牛舌，牛胸腹，牛頸脊同一口牛，全部屬於更高貴嘅牛肉部位組合，所以唔係任食㗎🤣 係呢五個部位入面，我最鍾
好耐未食過燒肉放題了，朋友介紹左呢間位於旺角創興廣場嘅「德家燒肉放題」， 一於趁今日星期六放假就殺上去食。食。食啦🤣
.
「德家燒肉放題」喺創興廣場嘅4樓，記得係要搭升降機，扶手電梯係上唔到㗎🙆♀️
.
餐廳分為三區，左區為燒肉區，右區為火鍋區，而中間大堂係自助區。裝修以黑色格調為主，室內環境寬敞，乾淨企理～由於我哋係食燒肉，當然就分配去左區啦🙆♀️
.
每張燒肉枱都設有梳化椅同獨立抽煙系統，既可坐得舒服，亦可避免油煙過多嘅情況，食完後件衫仲唔會有太多嘅煙臭味添👍
.
德家嘅燒肉放題分為兩種，一種係牛肉盛燒肉半放題（$258），而另一種係海鮮刺身盛燒肉半放題（$308），都係120小時任飲任食❗️加多$50就可以任食海鮮同刺身，好抵食呀😍 不過，由於呢排食得刺身多，所以就冇揀到🙈另外，無論揀邊種放題，都會送燒蠔盛盒同埋雪糕杯，仲係Movenpick/Haagen-Dazs 嘅添💕
.
牛肉盛燒肉半放題主要包括一份五款特選牛肉，42款任點食材同自助區嘅配料&飲品。
.
五款特選牛肉
呢五款特選牛肉包括有牛肋肉，厚切牛舌，牛胸腹，牛頸脊同一口牛，全部屬於更高貴嘅牛肉部位組合，所以唔係任食㗎🤣 係呢五個部位入面，我最鍾意就係牛舌同埋一口牛～牛舌厚切肉味濃郁而富有嚼勁，而一口牛肉質豐盈又軟嫩，再沾一沾燒肉汁或者灑上黑椒碎，極之美味😍
.
42款任點食材可分為五類：
✨牛肉類
✨羊/豚/雞類
✨海鮮類
✨朝燒/野菜類
✨烏冬/麵/飯類
.
食晒特選牛肉後，任食牛肉都有好多款，如極上牛肋肉，黑蒜油牛脊肉，骨付牛肋肉等等。牛肋肉油脂含量豐富，紋理分佈較集中，肉質鮮嫩，結果我哋encore左好幾次🥰
.
雞辛辣雞肉腿
我最鍾意食呢款辛辣雞腿肉❗️雞腿肉肉質扎實又Q彈， 食落厚肉帶點微辣，配搭上虎皮椒一齊食，添加爽脆口感，成為我哋嘅獨創菜式🤣
.
車海老
海鮮必叫之一嘅車海老，蝦肉入口彈牙👍
.
帆立貝
帆立貝鮮味十足，大大粒Q彈鮮甜，最緊要重要係任叫任食呢🙈
.
一口甜薯
5粒甜薯放喺裝住牛油嘅錫紙盒裡，喺鐵板上等佢慢慢燒熱，入面嘅牛油慢慢滲入去甜薯中，入口軟綿綿帶點牛油去香，極好味又邪惡😈
.
自助區嘅配料千祈唔好放過呀🙆♀️除咗有多款熟食，仲有各式各樣嘅丸類，蔬菜類，涼菜，小甜品，仲有裝住飲品嘅四大雪櫃呢❗️真係多到眼花撩亂🤣
.
最後，千其唔好忘記食雪糕呀❗️Movenpick同Haagen-Dazs 各有三種味道選擇，而我哋就揀咗朱古力味同仲夏野莓味😘
张贴
