辣蛋 (已結業)

嗰日同朋友經過中環蘭桂坊，竟然發現有一間好抵食嘅小龍蝦舖頭。鍾意剝蝦殼嘅朋友就話想入去試吓，估唔到味道都好惹味🤭🌶️港辣-辣蛋香辣小龍蝦同朋友都唔係好食得辣，所以叫咗最小辣嗰個🙈估唔到一大盤都有幾多小龍蝦，個汁個味道香辣惹味，送飯一流。小龍蝦肉質彈牙，而且來源環保健康，所以食得放心。🍚日式牛肉炒飯個味整得幾好，炒飯炒得乾身，飯粒粒分明，都幾多牛肉粒。🍹韓國柚子蜜通常都會整到好甜，但係呢個甜度啱啱好，如果食再辣啲嘅小龍蝦就一定要飲。