農家滋味館

有人次係富多來整野問姐姐有乜好食，佢就推介左依間比我。一食就食左幾年。今日先發覺原來依間野一個食評都冇。咁唯有寫個食評支持下佢。依間野係毫不起眼既餐廳，又冇乜裝修。如果唔係人地介紹，行過我都未必入去。但一食就發現佢既性價比係超高。四五十蚊即叫即炒，任意配搭菜同肉。又可配湯或者野飲。湯清甜冇乜味精。無論午餐/晚餐都係咁上近價錢。重要質素係好味。唔係流四煮定放汁就上枱果啲垃圾餐廳。

1

涼瓜菜甫肉碎炒滑蛋飯

$48

今次食左個涼瓜菜甫肉碎炒蛋飯，瓜爽肉香蛋嫩。新鮮熱辣。都係$48重要連埋湯。對唔住, 真係無得輸。睇樣都知乜料。

紅蘿蔔湯

湯好清甜。我唔係好鍾意啲煲到傑撻撻，又重味精既湯。佢啲湯唔會好濃，係清得黎有紅蘿蔔既清甜味。飲落舒服。
所以論價錢同質素，佢真係100分。