影片
更多
2021-08-20
60 浏览
細佬中意食鐵板燒，見佢就開學請佢食餐好既，呢間鐵板燒位於長沙灣，見佢咁多好評又近我地一於去試下。日本風既門口已經好有特色，入到去成個感覺好整潔舒適。我地揀左個牡蠣餐包括有２人份量既是日精選刺身、沙律、廣島蠔、魷魚筒、牛肉薄燒、野菜、炒飯、味增湯。沙律d菜好新鮮，清甜爽脆。個醬汁鹹鹹地，仲有少少酸，幾開胃。是日精選刺身有深海池魚、帶子、八爪魚、油甘魚，都好新鮮。當中我最中意深海池魚，鮮甜得黎有淡淡特有的甘香味。燒魷魚筒好有口感，煮到啱啱好一Ｄ都唔靭，而且又唔會好咸，沾上旁邊既炸蒜就更加香口。廣島蠔配煙肉、櫻花蝦、洋蔥、炸蒜一齊燒，充滿牛油香味，惹味得黎仲食到蠔既鮮味。牛肉薄燒用牛肉包住青脆既蔥同炸蒜，為濃郁既牛味配上小清新既味道。炒飯用櫻花蝦、蛋、蔥一齊炒，好香，而且仲有味增湯同炒芽菜配埋一齊食。成個牡蠣餐都夠我地兩個人食，最欣賞係唔會好咸，選材新鮮，比我以往食開既好食好多。另外叫左份鵝肝多士同一客日本海膽，鵝肝個面煎到金黃，食落肥美豐腴。日本海膽質感好幼滑，入口即化開，好鮮甜！！係我食過最好食既海膽！建議一早book定位，我地食到咁上下已經好多人等位。最後埋單之後店員仲送左一人一粒糯米
細佬中意食鐵板燒，見佢就開學請佢食餐好既，呢間鐵板燒位於長沙灣，見佢咁多好評又近我地一於去試下。日本風既門口已經好有特色，入到去成個感覺好整潔舒適。我地揀左個牡蠣餐包括有２人份量既是日精選刺身、沙律、廣島蠔、魷魚筒、牛肉薄燒、野菜、炒飯、味增湯。
沙律d菜好新鮮，清甜爽脆。個醬汁鹹鹹地，仲有少少酸，幾開胃。
是日精選刺身有深海池魚、帶子、八爪魚、油甘魚，都好新鮮。當中我最中意深海池魚，鮮甜得黎有淡淡特有的甘香味。
燒魷魚筒好有口感，煮到啱啱好一Ｄ都唔靭，而且又唔會好咸，沾上旁邊既炸蒜就更加香口。
廣島蠔配煙肉、櫻花蝦、洋蔥、炸蒜一齊燒，充滿牛油香味，惹味得黎仲食到蠔既鮮味。
牛肉薄燒用牛肉包住青脆既蔥同炸蒜，為濃郁既牛味配上小清新既味道。
炒飯用櫻花蝦、蛋、蔥一齊炒，好香，而且仲有味增湯同炒芽菜配埋一齊食。成個牡蠣餐都夠我地兩個人食，最欣賞係唔會好咸，選材新鮮，比我以往食開既好食好多。
另外叫左份鵝肝多士同一客日本海膽，鵝肝個面煎到金黃，食落肥美豐腴。日本海膽質感好幼滑，入口即化開，好鮮甜！！係我食過最好食既海膽！
建議一早book定位，我地食到咁上下已經好多人等位。
最後埋單之後店員仲送左一人一粒糯米糍雪糕俾我地。
张贴
