荳子 (海壩街) (已結業)

復活節連續4日假期，比雨小姐偷左2日，瘋狂大雨過後，今口終於出太陽🌞🥰🥰🥰，緊係帶為食媽咪出去呼吸下新鮮空氣啦。行街行到4點，lunch都未食，餓到暈啦。但絕對唔可以求其食。幾遠都好，要排隊又好，都阻唔到我食好東西既。去到門口，前面已有2個人等緊位，等左一陣，前面2位話佢地唔坐bar枱，問我地坐既話，可以入去。我企係門口示意職員我地2位，職員叫返我地出去，問下排隊既人，邊個想坐bar枱，依排隊次序，問完，我同媽媽就入去坐低。我地叫左個小食「蟹肉薯餅」，好香口，真材實料，好多蟹肉絲。主食「千島醬蟹籽蟹柳帆立貝薄餅」，味道比相吸引1000倍，真係好好食，味道火喉剛剛好，pizza邊又脆口，一個字「正」！甜品「紅桑子拿破崙」，拿破崙係媽媽既favourite，而尼個拿破崙極有驚喜，甜而不膩，酥皮好鬆化，cream有落雲尼拿籽，增加香味，好食！飲品「蘋果玉桂茶」，養生女生最愛🥰，味道清新，而且仲可以Refill 添❤️媽媽對食物讚不絕口，佢開心滿足，我就開心啦。下次再帶你食好東西啦。