影片
更多
2023-05-15
26 浏览
今日係荃灣廣場睇戲🎬睇完戲好肚餓😳朋友話想食越南野～查到有間越男仔係附近！我地二話不說就衝左過去🤣🤣🤣🛎 $108 生牛生蝦椰汁酸湯檬椰汁酸湯其實我係第一次試😳本身擔心湯底會好酸，搶咗啲椰汁味🤔但其實唔會，椰香適當地平衡咗酸味⚖️神奇地夾！而且越食越開胃店員推薦可以落啲蒜蓉蝦油同辣椒～牛肉係唔韌既😏好易咬開湯頭都好熱，所以唔驚淥唔熟🙈阿根廷紅蝦係連埋蝦頭上～所以成個擺盤好靚蝦肉新鮮彈牙🤩同蝦殼係已經分開左，所以好方便咁食到👍🏻🛎 $95 越男仔蔥油三味飯原本係配黃薑飯，不過我最近食太多黃薑飯🤣就轉左做白飯🍚三味其實就係豬頸肉、豬扒、燒扎肉🐷每款都有三件！好豐富，岩曬我呢啲食肉獸😈豬肉幾淋幾易咬👍🏻不得不提既係個蔥油真係幾香，撈飯一流～🛎 跟餐 無骨鳳爪沙律鳳爪份量都多～無骨好正，可以好豪放咁食，唔洗左損右損🤣下面鋪既沙律菜都好爽口👍🏻🛎 跟餐 手撕雞檬紙卷檬紙卷皮好滑入面包住好多粉絲一啖食曬口感好豐富🥰🛎 跟餐 +$26 椰汁拉茶紅豆冰拉茶～其實即係奶茶🤣原來奶茶同椰汁都幾夾，香味係更上一層樓紅豆就增加左啲天然既甜味👍🏻係少少沙沙地既紅豆~正🛎 跟餐 雞湯🌐 環境/服務夜晚都好多人食，好
睇完戲好肚餓😳朋友話想食越南野～
查到有間越男仔係附近！
我地二話不說就衝左過去🤣🤣🤣
🛎 $108 生牛生蝦椰汁酸湯檬
椰汁酸湯其實我係第一次試😳
本身擔心湯底會好酸，搶咗啲椰汁味🤔
但其實唔會，椰香適當地平衡咗酸味⚖️神奇地夾！而且越食越開胃
店員推薦可以落啲蒜蓉蝦油同辣椒～
牛肉係唔韌既😏好易咬開
湯頭都好熱，所以唔驚淥唔熟🙈
阿根廷紅蝦係連埋蝦頭上～所以成個擺盤好靚
蝦肉新鮮彈牙🤩同蝦殼係已經分開左，所以好方便咁食到👍🏻
🛎 $95 越男仔蔥油三味飯
原本係配黃薑飯，不過我最近食太多黃薑飯🤣就轉左做白飯🍚
三味其實就係豬頸肉、豬扒、燒扎肉🐷
每款都有三件！好豐富，岩曬我呢啲食肉獸😈
豬肉幾淋幾易咬👍🏻
不得不提既係個蔥油真係幾香，撈飯一流～
🛎 跟餐 無骨鳳爪沙律
鳳爪份量都多～
無骨好正，可以好豪放咁食，唔洗左損右損🤣
下面鋪既沙律菜都好爽口👍🏻
🛎 跟餐 手撕雞檬紙卷
檬紙卷皮好滑
入面包住好多粉絲
一啖食曬口感好豐富🥰
🛎 跟餐 +$26 椰汁拉茶紅豆冰
拉茶～其實即係奶茶🤣
原來奶茶同椰汁都幾夾，香味係更上一層樓
紅豆就增加左啲天然既甜味👍🏻係少少沙沙地既紅豆~正
🛎 跟餐 雞湯
🌐 環境/服務
夜晚都好多人食，好彩咁岩有人離座，我地唔洗等位🤣
有電視播有線台～
座位都幾舒服，枱又夠大👍🏻
#devietson#越男仔#越南美食#越男仔荃灣店#荃灣美食
张贴
