一記 (已結業)

唔好睇一記舖頭細細，佢嘅飯餐好好味，而且價錢好平，今時今日好難搵到性價比咁高嘅美食。☝🏻川芎白芷蒸雞飯 (只需$26🙀)我幫襯過一記幾次，呢個蒸飯係我嘅心水推介。除咗有助活風袪風嘅川芎白芷，舖頭仲加咗杞子同紅棗一齊蒸。藥材味係有嘅，但唔算太勁，怕藥材味嘅朋友仔都可以放膽試。雞件都好夠油份，蒸出嚟好滑，係美味嘅補身之選。☝🏻滑蛋蝦仁飯 (只需$30🙀)雖然只需30蚊，但蝦一啲都唔細隻，份量亦都唔少，有4至5隻。同埋睇圖都可以感覺到佢啲蛋有幾滑🤤。放心，佢又唔會生到好似鼻涕咁，係煮得啱啱好嘅滑蛋，充滿油香，係白飯嘅最佳拍檔，我食親都會清碗。如果擔心舖頭細，去到冇位坐，可以事先同店員留枱。店員們都好親切，充滿街坊嘅人情味☺️💕。