老荔冰室

营业中

休息中

今日朋友帶咗我去一間超級有香港情懷打卡裝修嘅茶餐廳，一去到已經見到門口戲棚元素、店內龍鳳牆 打卡一流😎杯碟上仲有金句，玩味感一流，嘢食份量多而且價錢平，性價比好高⭐️✨沙嗲牛肉煎雙蛋公仔麵沙嗲牛份量多，味道偏甜有少少麻辣味，配公仔麵同埋煎蛋食好惹味😋✨沙嗲牛肉炒蛋熱香餅漢堡熱香餅漢堡即叫即做蛋味比較濃郁口感比較結實，仲有一層係夾住芝士，估唔到同沙嗲牛肉又幾夾，配糖漿更好食🤤✨滑蛋叉燒飯份量都幾大，係最typical嘅茶餐廳會叫嘅嘢食🤣✨金沙朱古力流心西多士勁多朱古力鋪喺面，一切開嘅時候會有啲朱古力醬流心流出嚟，西多士好厚食咗一半，我同朋友已經好飽啦。我哋仲叫咗兩杯特飲阿華田脆脆火山同埋椰汁紅豆冰，兩杯都唔太甜阿華田火山勁多脆脆，朋友嘅紅豆冰紅豆大粒好食。