森戶 (官塘立成大廈) (已結業)

估唔到牛頭角都有得食omakase,而且最平先380起，啱曬我依啲係附近翻工嘅小資女！我就叫左最普通380嘅嘅山套餐，雖然佢平，但都好豐富！首先會有一碗茶碗蒸，有唔同嘅海鮮係入面，而且啲蛋都好滑然後會有十貫壽司同一貫手卷，真心好正，分別會有北海道象拔蚌，北海道帶子(好食)，牡丹蝦(表面仲會有蝦膏)，目鯛(有燒過嘅香味)，中拖羅等等唔同嘅壽司🥰🥰🥰佢每款壽司已經有醬油，所以唔洗自己加都好夠味！食飽飽之後，仲會有鯛魚湯同甜品，食得勁滿足！