一風堂 (東薈城名店倉) (已結業)

今次嚟到東涌，喺東薈城嘅呢間一風堂食lunch🤤今次揀咗呢一個拉麵，裏面有辣肉味噌、炙燒卷腩叉燒、紫菜、糖心蛋、蔥花、再有一個另外上的芝麻玉(芝麻蓉)。呢一個拉麵有驚喜，炙燒卷腩叉燒，比普通嘅卷腩叉燒更香，口感更加特別好食。糖心蛋都做得好好🤤🤤辣肉味噌，係好香濃嘅辣肉碎醬，加咗落呢個好濃郁嘅豬骨湯底之後，真係配搭得好好。我呢一碗再加上辣肉味噌同芝麻玉，簡直係色香味俱全。辣度方面，我揀咗小辣，拉麵嘅硬度我揀咗普通，師父亦都做到我想食嘅口感，拉麵好有咬口，連湯一齊食，加上裏面嘅配料好豐富！！！🍴特製赤丸拉麵 $85＋普通麵質＋轉炙燒卷腩叉燒4片📌一風堂🍽️東涌達東路20號東薈城名店倉6樓603號舖