滿樂中菜 (已結業)

大家如果有闲钱嘅不妨去试下，驰名嘅片皮鸭会分「两食」咁送上，约莫等2-30分钟。佢地声称系即烧，但系又几过瘾，呀，唔知点解咬落有腊鸭嘅咸香味，鸭胸干柴不在话下，侍应喺疫情期间恰下恰下，带枱派𩠌失晒魂，入座前嘅检测机犹如摆设，哔到鬼杀咁嘈依然放人入嚟，认真绝核！小菜发挥正常，最顶瘾系用煲上嘅小菜，侍应可以徒手拎起热到甩辘嘅煲盖，除咗失魂咗啲，佢哋其实都算沙胆。另外，佢地啲香片茶叶应该当红酒咁摆，饮落臭嘅，大家有信心可以嗌香片，验证下小生讲得啱唔啱。