小南洋 (東薈城名店倉)

营业中

休息中

店員態度惡劣，點餐果時行埋去叫肉骨茶，佢就跳哂制，瞪大隻眼，極惡咁話：「所有肉骨茶無哂！」我即刻O哂嘴，好似講到我明知無哂都叫咁，態度差到離譜。其實講句無哂咪得，洗咩好似殺左佢全家咁兇神惡殺咁鬧人？而家黎食野定受佢氣？唔想做就辭職，客人無義務要受你氣。我已經唔係要求你要笑笑口咁講野，我只係期望你用正常既語氣同我簡單講句賣哂，咁基本既野都做唔到，真係唔適合做服務業。呢度仲要係遊客區，咁樣既態度真係嚇死遊客，希望餐廳管理層可以檢視下員工既質素，唔好影衰香港。