58
25
13
餐厅: 添好运点心专门店
资讯:

为推动全港减盐减糖新饮食文化及新生活态度,食物及衞生局、降低食物中盐和糖委员会及食物环境衞生署食物安全中心推出了《少盐、少糖、少 • 确幸》餐饮联盟,参与食肆会提供少盐少糖选项予顾客,部份更会提供特定减盐减糖菜式。参与减盐减糖食肆会获发计划标志,以供张贴於店舖内,供顾客识别。详情可在此浏览:https://rssless.hk

等级1
1
0
2019-05-25 131 浏览
今日同呀仔 拍下拖,推住架BB车路经北角,见有间添好运,晏昼4点几无咩人,不如走去试下,今次系我第一次食添好运,结果极之失望。一入舖,呀姐见我推住架BB车已经用手指指住我兼用普通话喝住我话BB车唔比入,叫我放埋一边,我问有冇highchair,佢话冇,我心谂咁叫我点食?抱住个仔食?讲真我去茶餐厅食野从未试过有人话BB车唔比入,见佢赶客咁款我即刻掉头推门想走。另一个呀姐见我想走即刻叫返我入黎话BB车可以入。坐低後另一位呀姐拎点心纸黎又系用普通话问茶位系咪两位,我话BB唔饮茶,佢话都要收茶位因为佢霸左个位。我第一次听有人咁讲野,不过$3蚊我费事讲咁多。我叫左出名既酥皮焗叉烧包,虾蛟,牛肠。谂住佢d伙计态度差,食物应该ok挂,点知一样系差,讲真d野食真系好普通,任何一间连锁酒楼都好食过佢,个牛肠难食到我个仔都唔吼(平时佢好锺意食牛肠)。仲有d所谓茶,只系茶色既暖水,一d茶味都冇。佢地收银机上面有块镜写住「香港传奇」,或者曾经系,而家一定唔系,我真系唔希望d游客以为呢d就系香港美食,如果系就惨,d游客一定吓走哂。仲有,虽然我知佢地做大陆客生意多,亦未必分到香港人同大陆人,但我同d呀姐讲广东话d
更多
今日同呀仔 拍下拖,推住架BB车路经北角,见有间添好运,晏昼4点几无咩人,不如走去试下,今次系我第一次食添好运,结果极之失望。

一入舖,呀姐见我推住架BB车已经用手指指住我兼用普通话喝住我话BB车唔比入,叫我放埋一边,我问有冇highchair,佢话冇,我心谂咁叫我点食?抱住个仔食?讲真我去茶餐厅食野从未试过有人话BB车唔比入,见佢赶客咁款我即刻掉头推门想走。另一个呀姐见我想走即刻叫返我入黎话BB车可以入。

坐低後另一位呀姐拎点心纸黎又系用普通话问茶位系咪两位,我话BB唔饮茶,佢话都要收茶位因为佢霸左个位。我第一次听有人咁讲野,不过$3蚊我费事讲咁多。

我叫左出名既酥皮焗叉烧包,虾蛟,牛肠。谂住佢d伙计态度差,食物应该ok挂,点知一样系差,讲真d野食真系好普通,任何一间连锁酒楼都好食过佢,个牛肠难食到我个仔都唔吼(平时佢好锺意食牛肠)。仲有d所谓茶,只系茶色既暖水,一d茶味都冇。

佢地收银机上面有块镜写住「香港传奇」,或者曾经系,而家一定唔系,我真系唔希望d游客以为呢d就系香港美食,如果系就惨,d游客一定吓走哂。仲有,虽然我知佢地做大陆客生意多,亦未必分到香港人同大陆人,但我同d呀姐讲广东话d呀姐依然对住我讲普通话,实在太离谱,话哂呢喥都系香港。

唔知其他分店系咪甘,总之呢间我唔会再帮衬。
(以上食记乃用户个人意见 , 并不代表OpenRice之观点。)
张贴
评分
环境
服务
卫生
用餐途径
堂食