羅富記粥麵專家 (已結業)

以前喺附近返工，偶爾會OT後嚟堂食，因為 lunch 呢區堂食都好多人，通常只有外賣。咁啱過嚟做完嘢，5點多啲，就嚟懷舊一番，本來想叫粥，但依度嘅炸鯪魚球好正，咁食依個就叫麵啦，今次叫碟炸醬麵啦。雖然都成6-7年無嚟，佢嘅鯪魚球仲係好彈，皮又帶點脆，配埋個蜆芥汁一流，細份有3粒，一個人食好滿足。炸醬麵又係好好味，肉又嫩，肉同醬+麵比例好好，個湯又唔太濃，飲完唔會好口渴。佢嘅餐具係傳統公雞圖案，員工都係做咗好多年好資深嘅，就算冇嚟咁耐，入嚟食都有種特別嘅感覺。