陳福榮餅家

今日十月一日假期，諗住去西貢行吓，點知多人到呢？！
揾極都冇位泊車，於是去陳福榮餅家買咗甜豬包同皮蛋酥就走啦！

1

甜豬包

多年前嚟西貢，見到呢間陳福榮餅鋪，門口貼咗d雜誌篇幅介紹佢嘅甜豬包，見個樣又幾得意，於是一試，果然...愈食愈上癮，雖然係冇餡，但外皮硬硬哋似傳統嘅豬仔，包入面就非常柔軟，少少甜味，好味！
之後每次嚟西貢，都必定買半打返屋企，但試過有幾次四、五點就賣哂囉！

皮蛋酥

上一次買埋佢嘅皮蛋酥，點知食過之後念念不忘，因為佢嘅餡整得好好味，香滑有薑味，皮蛋約1/4隻，唔會太甜，仲好似有奶黃味添，外皮好酥有嚼口，正！