旺囍車仔麵 (已結業)

旺角豉油街呢度原來有車仔麵食。呢度比較細，食得比較辛苦。同埋呢度嘅洗手間好唔衛生，建議如果要去洗手間一早去咗先。我哋都好肚餓兩個人買咗兩碗面，再加小食。我冇睇到我朋友原來咁啱都係落咗豬紅大腸，而我點嘅小食，咁岩有一個係韭菜朱紅大腸蘿蔔。雖然有少少重複左，但係我哋都食得晒。因為要讚一讚呢度啲豬紅，係真係豬紅嚟嘅！平時喺其他地方食到嘅，可能係雞紅。呢度＄40就已經有好大碟嘅韭菜，據說韭菜係有潔肺嘅功能，食多啲都無妨啦。同埋呢度嘅蘿蔔亦都好大件，夠爽口。我朋友叫咗幼面而我就叫咗薯粉。薯粉亦都係幼身嘅，冇諗過係店裏邊最後一個叫做薯粉嘅人yeah!成碗面嘅份量亦都好多，我叫左少少冬菇，啲冬菇真係有鮑汁味，好入味，同埋細細粒粒咁樣好易入口。碗裏面仲有少少菜心，新鮮同比一段餐廳既量多。另外個魷魚雖然啲肉質好，但係我反而唔係好鍾意佢嘅口感。我鍾意脆同爽嘅感覺，暫時欠奉。但係我哋都清晒。每人平均消費80幾蚊，食到咁多野，還好啦。