影片
更多
2023-07-15
1016 浏览
以前家住灣仔，經常都會去「快樂餅店」買麵包做早餐又或者中午到旁邊嘅老式茶記「順景」食個焗豬扒飯。不過自從搬離灣仔，加上兩店相繼結業，不彈此調久矣。最近得知「快樂」聯乘「順景」捲土重來，喺銅鑼灣開設冰室，趁這個週末有空，特意過嚟回味一下。餐廳嘅佈置保留咗唔少港式元素，除了喺門面設有餅櫃供客人外賣麵包，店內裝潢亦散發著陣陣懷舊氣息，如典型冰室卡位及復古窗花等。瑞士汁雞髀撈公仔麵 ($58)，雞髀超大隻，滷得好入味，肉質嫩滑，瑞士汁香甜黏稠，公仔麵煮得啱啱好，爽彈又不會過腍。麵餐配有火腿、炒蛋及迷你菠蘿包。炒蛋嫩滑，菠蘿包脆皮，味道唔錯。叉燒蝦仁滑蛋雙拼飯 ($66) 叉燒半肥瘦，食落好有口感，帶蜜汁甜香。蝦仁爽彈味鮮，加埋滿載蔥香嘅半熟滑蛋，真係冇得輸，每一啖都非常滿足。當然仲有唔可以錯過嘅快樂忌廉筒 ($15)、紅豆沙翁 ($13) 同 牛油皮蛋撻 ($9)。沙翁質地軟糯，外層沾滿砂糖，內藏紅豆餡，入口甜而不膩。忌廉筒酥脆鬆化，入面嘅忌廉香甜微鹹，口感好正，絕對係童年一大回憶！蛋撻蛋香金黃，外脆內滑。飲品點咗奶茶紅豆冰 (+$12) 同 咖啡紅豆冰 (+$12)，兩杯都好有水準，奶茶超
不過自從搬離灣仔，加上兩店相繼結業，不彈此調久矣。最近得知「快樂」聯乘「順景」捲土重來，喺銅鑼灣開設冰室，趁這個週末有空，特意過嚟回味一下。
餐廳嘅佈置保留咗唔少港式元素，除了喺門面設有餅櫃供客人外賣麵包，店內裝潢亦散發著陣陣懷舊氣息，如典型冰室卡位及復古窗花等。
瑞士汁雞髀撈公仔麵 ($58)，雞髀超大隻，滷得好入味，肉質嫩滑，瑞士汁香甜黏稠，公仔麵煮得啱啱好，爽彈又不會過腍。
麵餐配有火腿、炒蛋及迷你菠蘿包。炒蛋嫩滑，菠蘿包脆皮，味道唔錯。
叉燒蝦仁滑蛋雙拼飯 ($66) 叉燒半肥瘦，食落好有口感，帶蜜汁甜香。蝦仁爽彈味鮮，加埋滿載蔥香嘅半熟滑蛋，真係冇得輸，每一啖都非常滿足。
當然仲有唔可以錯過嘅快樂忌廉筒 ($15)、紅豆沙翁 ($13) 同 牛油皮蛋撻 ($9)。沙翁質地軟糯，外層沾滿砂糖，內藏紅豆餡，入口甜而不膩。
忌廉筒酥脆鬆化，入面嘅忌廉香甜微鹹，口感好正，絕對係童年一大回憶！蛋撻蛋香金黃，外脆內滑。
飲品點咗奶茶紅豆冰 (+$12) 同 咖啡紅豆冰 (+$12)，兩杯都好有水準，奶茶超級順滑，咖啡濃而不澀，紅豆大大粒，加上全部都起晒沙，愈飲愈過癮！
张贴
