COFFEE matters

啱啱星期二，見幾好天氣，咁就緊係要運動一下啦，我就住葵涌嗰邊嘅，咁就自然踩下去小欖嗰邊嘅青山公路啦。踩完，見仲有大把時間，咁就踩出去深水埗，見下啲老友吹下水咁。
出到去，吹咗一陣，見有啲口乾，想飲下嘢，醒起之前見到有間咖啡店喺附近，咁不如去飲杯咖啡啦。
去到咖啡店，好開心，因為我要泊單車，見佢門口有座位可以坐，就咩都唔諗，一於嘆杯先，咁我就叫咗杯凍嘅美式咖啡慢慢嘆。
味道真係唔錯，唔會太甜，咖啡又夠味，啱哂我口味，價錢又唔貴，合理價錢。
好難得可以喺市區可以有間咁好feel嘅咖啡店，值得再去。