影片
更多
2021-11-07
553 浏览
2021年10月27日 星期三今日收咗工決定要好好享受一下，所以自己一個去咗灣仔食個下午茶慢慢休息呢一間餐廳位於利東街，分開兩層，上層地方更加闊落，感覺好舒適，人流唔算太多餐廳主要係食crepe，無論鹹甜都有好多款式提供，而且價錢唔算太貴，最後我選擇咗一個Crepe加一個甜品作為我嘅下午茶等咗大約15分鐘左右食物就嚟到，我點既係S’mores，主要係薄餅上面加上燒焦嘅棉花糖、朱古力醬同餅碎，一睇落去就見到落足料切開見到裏面仲有榛子醬添，食落去薄餅嘅皮好薄，有濃郁嘅朱古力味同棉花糖嘅甜，雖然好邪惡，但係真係食到停唔到口，棉花糖完全冇痴牙，溶溶地混合埋朱古力醬，完全係完美嘅配合至於甜品我點左chocolate forest，有朱古力布朗尼、雲呢拿雪糕、朱古力醬同車厘子，見到成個杯都充滿咗配料，感覺非常豐富，而且布朗尼食落去嘅時候好鬆化，混合埋雪糕同朱古力醬一齊食，一冷一熱，口感幾特別，食完都唔會覺得太膩或者口渴整體來講味道唔錯，而且又可以係下午茶時段慢慢品嘗，即時可以幫我叉叉電
今日收咗工決定要好好享受一下，所以自己一個去咗灣仔食個下午茶慢慢休息
呢一間餐廳位於利東街，分開兩層，上層地方更加闊落，感覺好舒適，人流唔算太多
餐廳主要係食crepe，無論鹹甜都有好多款式提供，而且價錢唔算太貴，最後我選擇咗一個Crepe加一個甜品作為我嘅下午茶
等咗大約15分鐘左右食物就嚟到，我點既係S’mores，主要係薄餅上面加上燒焦嘅棉花糖、朱古力醬同餅碎，一睇落去就見到落足料
切開見到裏面仲有榛子醬添，食落去薄餅嘅皮好薄，有濃郁嘅朱古力味同棉花糖嘅甜，雖然好邪惡，但係真係食到停唔到口，棉花糖完全冇痴牙，溶溶地混合埋朱古力醬，完全係完美嘅配合
至於甜品我點左chocolate forest，有朱古力布朗尼、雲呢拿雪糕、朱古力醬同車厘子，見到成個杯都充滿咗配料，感覺非常豐富，而且布朗尼食落去嘅時候好鬆化，混合埋雪糕同朱古力醬一齊食，一冷一熱，口感幾特別，食完都唔會覺得太膩或者口渴
整體來講味道唔錯，而且又可以係下午茶時段慢慢品嘗，即時可以幫我叉叉電
张贴
