影片
更多
2013-12-06
2653 浏览
如果唔係團購網見到呢度三文魚任食咁吸引，我都唔會特登排隊等，上11樓食呢間野。真係永世難忘，如果我早點睇到open rice 食評，我諗我唔會咁豬兜，去呢度食午餐。第一，一天前預約，我一天前分三次打左40幾個電話都冇人聽… 結果諗住搏一搏啦，侍應姐姐一聽話唔得，叫我地再等半小時，但明明有幾張空枱，我地話唔介意坐底等，啊侍應姐姐就鼠入Bar 枱同一個幫忙樓面的廚師密密斟，就冇理我地…… 我地梗係企係度等佢啦，點知俾廚房佬哥哥話我地阻住條路…… 你理我先得架… 跟住先有個侍應哥哥招呼我地…… 得就得，唔得就唔得，前後要幾多分鐘？仲要俾人話阻街… 好慘第二，我地1:15分坐底，1:20落單，5分鐘後泥左沙律同南瓜湯，之後就等左40分鐘…… 先有第一份主菜… 呢個上菜速度真係嘆為觀止… 仲有一份要2:10先泥到，但我話俾大家知，我食飯時間係1:00到2:00！我連累我另一位同事遲到…… 唉！第三，三文魚任食，如果唔係呢個優惠，我想講個團購係唔抵食到冇朋友！頭先個熟食要煮，侍應姐姐話煮野食需時，咁三文魚呢？切兩野要幾多時間？都要等半粒鐘？佢話任食，除左頭兩碟有6-8件，之後都係4-5件咁上，仲
真係永世難忘，如果我早點睇到open rice 食評，我諗我唔會咁豬兜，去呢度食午餐。
第一，一天前預約，我一天前分三次打左40幾個電話都冇人聽… 結果諗住搏一搏啦，侍應姐姐一聽話唔得，叫我地再等半小時，但明明有幾張空枱，我地話唔介意坐底等，啊侍應姐姐就鼠入Bar 枱同一個幫忙樓面的廚師密密斟，就冇理我地…… 我地梗係企係度等佢啦，點知俾廚房佬哥哥話我地阻住條路…… 你理我先得架… 跟住先有個侍應哥哥招呼我地…… 得就得，唔得就唔得，前後要幾多分鐘？仲要俾人話阻街… 好慘
第二，我地1:15分坐底，1:20落單，5分鐘後泥左沙律同南瓜湯，之後就等左40分鐘…… 先有第一份主菜… 呢個上菜速度真係嘆為觀止… 仲有一份要2:10先泥到，但我話俾大家知，我食飯時間係1:00到2:00！我連累我另一位同事遲到…… 唉！
第三，三文魚任食，如果唔係呢個優惠，我想講個團購係唔抵食到冇朋友！頭先個熟食要煮，侍應姐姐話煮野食需時，咁三文魚呢？切兩野要幾多時間？都要等半粒鐘？佢話任食，除左頭兩碟有6-8件，之後都係4-5件咁上，仲要上得勁慢… 三摧四請先有一碟仔… 咁樣… 任食的意義何在？仲要食食下整多兜沙律俾你，咩事先？分明想食飽你，等你唔好再叫…
第四，廚房到底出左咩事？我都做過侍應，我知有D野係唔關侍應事，因為成間餐廳最多都只係12，3枱人，有三個侍應，人手都好足夠姐。等成粒鐘都未有得食，咪就係廚房佬未煮好囉！我臨走，睄下廚房有幾多人，起碼兩個。咩事先？叫左一個意粉一個燴飯，佢話冇飯，咪轉意粉囉，okay fine. 但本身係意粉個果突然變左飯… 本身係飯個果又變左意粉… 真係不明所以。
第五，講返個電話，我同同事坐左一粒鐘，佢地個電話響左幾次都冇人聽… 我就明白點解我打咁多次都冇人聽啦…
最後，有彈冇讚，始終唔係咁好，所以公道D，講下有咩好，我想講南瓜湯好飲，D 野食okay 唔差咁囉。
不過如果真係想做午餐生意，呢個上菜速度真係要改善下囉，或者如果真係做生意嘅，唔該執執佢啦… 真係唔敢想像夜晚會點… 後會無期，多謝你俾我學習忍耐的功課。
张贴
