北海道蜜柑鯛薄切刺身 $238
刺身切片薄而鮮嫩，入口仲有淡淡蜜柑嘅香甜味👍🏻仲要一啲都唔腥，高質！
海膽蟹味噌甲羅燒 $88
作為人氣料理，期待值都幾高🫢 蟹蓋上有蟹肉、蟹膏蟹籽、鵪鶉蛋等食材，侍應會喺隔離幫你燒，唔洗自己嚟🤤一路燒都聞到勁香，而蟹膏同威化餅夾埋食更突出蟹肉嘅鹹鮮味😋食完都覺得唔夠喉，難怪咁多人推😗
極上大漁貝燒 $128
有元貝、海膽、蔥花、蠔、鮮蝦、三文魚籽等，已經諗到燒完有幾鮮味🤣侍應燒完後食到每款海鮮都好鮮甜大粒😋正
赤子草莓 🍓$78
赤子草莓主要用草莓汁加雪碧同少量酒，味道酸甜開胃適合夏天飲用🍓
脆燒白穴子串 一串 $98
白穴子肉質細嫩，燒烤後外表酥脆，搭配獨特醬汁，食落口感豐富😋
黑門大阪燒 $88
燒餅外層脆脆地，內部鬆軟😗大阪燒嘅靈魂在於個醬汁🫢呢款就酸酸甜甜，配埋大量木魚絲咬落好有滿足感😋
黑門鰻魚玉子燒 $98
玉子燒柔軟滑嫩，而鰻魚就增加玉子燒嘅層次感，仲食到甜甜嘅蛋香味😋
酥炸雞軟骨 $68
份量好多😆炸完金黃酥脆但食落一啲都唔油膩🤩加埋檸檬汁嘅話更有風味👍🏻
