影片
更多
2020-11-21
38 浏览
今個月生日好多飯局，其中一個朋友帶我去飲茶食點心慶祝，上去見到原來喺B.Duck茶樓，即時心心眼😍呢到地方唔算大，但每一個角落都有B. Duck 同 Buffy 嘅蹤影，有特色得嚟價錢都幾親民，好啱同朋仔聚餐！基本上嗌套餐都食得好豐富，有埋車仔麵，而且仲有七個配菜，分量十足！#招牌車仔麵套餐 $148 車仔麵有：豬皮、雞中翼、勁辣魚蛋、蘿蔔、牛腩、豬大腸，仲有一隻滷水蛋，不過冇得揀麵底，係跟油麵上。點心方面有：蝦餃、鹹水角、流沙包、涼拌雲耳，再送兩杯飲品。點心賣相有B.Duck嘜頭好可愛🥰，味道比想像中好食！#精選二人套餐 $178除咗車仔麵同上面嗰餐一樣，其餘都係唔同嘅配搭。有鮑魚香菇滑雞飯、蟹膏燒賣皇、火焰叉燒包、手拍青瓜，再跟兩杯飲品。#鮑魚香菇滑雞飯 值得一讚，雞蒸得香滑軟熟，再配合埋鮑魚同香菇嘅芡汁，精華流晒落啲飯到，食得津津有味。呢度點心嘅款式都唔少，我哋再叫咗蘋果沙律多士、小籠包、韭菜豬紅，仲有飯後甜品紅棗糕及桂花糕。唔記得咗紅棗糕要熱先好食，一次過落單所以攤凍晒🙈 所以睇吓大家記得分開落單😝跟餐餸嘅四杯飲品，叫咗檸檬柚子茶、忌廉溝鮮奶、羅漢果冬瓜茶，而魔法拿鐵咖啡更有B
今個月生日好多飯局，其中一個朋友帶我去飲茶食點心慶祝，上去見到原來喺B.Duck茶樓，即時心心眼😍
呢到地方唔算大，但每一個角落都有B. Duck 同 Buffy 嘅蹤影，有特色得嚟價錢都幾親民，好啱同朋仔聚餐！
基本上嗌套餐都食得好豐富，有埋車仔麵，而且仲有七個配菜，分量十足！
#招牌車仔麵套餐 $148
車仔麵有：豬皮、雞中翼、勁辣魚蛋、蘿蔔、牛腩、豬大腸，仲有一隻滷水蛋，不過冇得揀麵底，係跟油麵上。
點心方面有：蝦餃、鹹水角、流沙包、涼拌雲耳，再送兩杯飲品。點心賣相有B.Duck嘜頭好可愛🥰，味道比想像中好食！
#精選二人套餐 $178
除咗車仔麵同上面嗰餐一樣，其餘都係唔同嘅配搭。有鮑魚香菇滑雞飯、蟹膏燒賣皇、火焰叉燒包、手拍青瓜，再跟兩杯飲品。
#鮑魚香菇滑雞飯 值得一讚，雞蒸得香滑軟熟，再配合埋鮑魚同香菇嘅芡汁，精華流晒落啲飯到，食得津津有味。
呢度點心嘅款式都唔少，我哋再叫咗蘋果沙律多士、小籠包、韭菜豬紅，仲有飯後甜品紅棗糕及桂花糕。唔記得咗紅棗糕要熱先好食，一次過落單所以攤凍晒🙈 所以睇吓大家記得分開落單😝
跟餐餸嘅四杯飲品，叫咗檸檬柚子茶、忌廉溝鮮奶、羅漢果冬瓜茶，
而魔法拿鐵咖啡更有B.Duck嘜頭嘅拉花😍，可愛程度爆燈！
四人行都係食咗五百零蚊，價錢冇想像中咁貴
個人覺得比屋邨嘅茶樓平，而且呢度環境咁特別，覺得食物有水準之餘物超所值😍
张贴
