八沢 (霎東街) (已結業)

黎到銅鑼灣，我搵到依一間聽聞係忌廉烏冬出名的店鋪，雖然我係咁樣講，但係我今次係並無食到忌廉烏冬lol，但我見我個朋友叫忌廉烏冬，聞落去都好香，試飲左湯底都好好入口，夠甜同清香既感覺。好後悔冇食到，下次黎架話一定要食，咁今次就唯有專注講返我個陣食左d咩啦。日式滑蛋叉燒飯 - $68首先講好個方面先，滑蛋食落口係嫩滑既，叉燒夠入味而且唔會太硬，亦都唔係太瘦同太肥，係幾好既，但唔係好既係洋蔥絲太生，食落口好苦，我係諗唔到點樣食先可配搭到佢個味道，我就唔係好建議大家食依個。熱棉花糖朱古力 - $28首先我唔建議大家叫凍，因為凍既根本唔會做到溶既效果，熱既先好，好似我依杯，食溶溶地棉花糖再加朱古力味係幾正，但出奇地杯野又唔會太甜，因為諗諗下棉花糖再配搭朱古力應該會甜，所以我都覺得依杯係唔差的，大家可以試下，但我唔會話好好飲。