瀛豐放題料理專門店

瀛豐放題料理專門店銅鑼灣駱克道491-499號京都廣場3樓臨近年尾開始好多飯局，今晚約左班Best Fd一齊食團年飯，唔想咁老土又食中菜，朋友就建議話不如食放題，可以有多D 選擇，大家一定岩食，朋友之前試過呢間係銅鑼灣既<瀛豐> 覺得唔錯，所以就即刻BOOK位啦。。。原本唸住間間放題都係咁上下，但估唔到呢到都有D驚喜，值得一試團年飯當然係要食好D啦，我地每位加左$138 升級任食即開生蠔，呢到既蠔非常新鮮，雖然size唔算太大，但入口好Creamy有啖啖地既海水味真係好正，每人食返半打都已經回本啦。。除此之外，仲有我最愛既海膽帶子，淨係睇到都已經流晒口水啦，帶子勁厚身，而海膽亦都鮮甜唔會有腥味刺身方面都唔錯，擺盤勁靚打咭一流呀，我地點左三文魚，油甘魚，希靈魚，鮑片，赤貝，八爪魚。。。而最吸引既當然係超大隻既赤蝦啦，蝦身仲粗過我隻手指，食落鮮甜爽口，口感一流呀，絕對係必食菜式熟食方面，我地都試左好多款，其實最值得推介係蒜蓉燒元貝，元貝勁大粒配合埋蒜蓉最最夾啦，另外鹹蛋黃炒薯條，泰式豬手，日式天婦都唔錯