燒烤堂

营业中

休息中

燒烤堂身邊勁多朋友推介，去之前好期待，食完完全冇失望，好出色！❤️🔥🥩鹽燒和牛牛小排牛肉本身嘅質感嫩滑，帶有一定油脂，鹽燒嘅簡單調味反而將牛肉嘅鮮味提升咗，口感一流。🐽泰式豬頸肉好有驚喜，佢用咗泰式香料醃料，燒到啱啱焦香。🐤雞皮超出色！燒得恰到好處，脆卜卜，油脂分佈均勻，唔會太肥膩，下次會叫多幾串。🍞蒜蓉包大家一定要試吓，烤得香脆，蒜蓉嘅味道濃郁，超香。🍗明太子雞腿肉雞肉本身嫩滑，加埋明太子嘅鹹香味，成個組合真係好好味。🌽牛油蜜糖粟米係其中一個比較清新嘅選擇，粟米本身燒得啱啱好，仲要加入咗牛油同蜜糖之後，甜味更加出。