Steak Bar (已結業)

身邊好多朋友都有去食，而我都想食好耐啦。見今日行開中環，所以決定去試下。好彩我地早去，所以即刻有位。當然要叫個打卡必叫嘅吉列牛排啦，碟牛黎到枱上面已經非常香噴噴，食欲大增，賣相仲好靚添。佢個牛出面炸得好香口，面粉厚度啱啱好，仲可以按自己口味黎調節自己應該燒幾耐，燒完之後配埋佢嘅特製醬汁黎食一流，配鹽黎食都好正㗎。隔離仲有飯，上面鋪滿咗調味粉，好開胃！沙律同豆腐都好味！ 我哋仲叫咗雞軟骨餃子做小食，餃子咬落去好脆，裏面雞軟骨都好好味，配埋一齊食都好有口感，增加咗味覺層次感。而且味道方面 ，佢嘅鹹味適中，好想再叫多碟呀 。咁當然唔少得要叫飲品 我哋叫咗個荔枝梳打 ，好解渴，配埋吉列牛扒一齊嚟食簡直係絕配。