士林·便丼達人 (帝城大廈) (已結業)

星期六响灣仔想簡單食晚餐，搵到呢間食台式便當丼飯的，台灣肉燥飯啱晒我口味。估唔到呢度嘅便當份量十足，男仔食都一定夠飽。手作烤焗雞腿肉燥便丼$58烤焗雞腿香口惹味，有3隻，其他配料有滷水蛋、高麗菜。肉臊唔會係肥豬肉，香濃但唔會過鹹，肉燥份量足夠伴飯。三星漿爆貢丸肉燥滷水乾伴烏冬$54炸貢丸一咬開爆汁，裏面餡料蔥味幾香。其他配料有滷水蛋、高麗菜、蘿蔔。肉燥份量一樣夠多，伴入煙韌烏冬好好食。滷水小食我哋揀左白蘿蔔$9、豬紅$13、豆皮$10，其中白蘿蔔最入味，咬落去多汁，豬紅就不過不失，豆皮就只是自己沾上滷水汁食，完全冇煮入味，我覺得可以唔試豆皮。香蒜味台灣香腸$14蒜味腸惹味，又有一點點蜜糖甜，加上半肥嘅肉，外皮煎得微脆，正。台中特包櫻花蝦餅$36炸蝦餅外層灑上椒鹽，極度香脆惹味，裏面係帶煙韌的類似魚餅的東西，但櫻花蝦份量較少，如果多啲會更添風味。呢度飲品有比較特色的樽仔系列，跟餐加$10，有奶茶、咖啡鴛鴦嘅選擇，我哋就試咗凍樽仔奶茶，茶味都幾香濃，類似茶餐廳奶茶嘅感覺。