烏蠅館

营业中

休息中

近呢幾年唔少舖頭都開始有冒菜賣，冒菜香辣得黎，又重蒜蓉味，深得我嘅喜愛！而講到平靚正嘅冒菜🍲，就一定唔少得烏蠅館！任選8款配菜既冒菜都只係$59，抵食到爆！我最推介嘅冒菜配菜有肥牛🐮、雞中翼🐔、魚腐🐟、鵝腸🪿、腩肉🐽、萵筍🥒，佢哋每一個配菜份量都好多，好似肥牛咁就足足有五片！另外亦都好推薦大家加$3要多份紫菜，紫菜可以吸晒成個湯底嘅精華，非常好味！喺呢度嗌任何一款主食，都可以用優惠價加配各款小食，價錢非常平，大部份都係十幾蚊就有交易，所以我都忍唔住試咗幾款，包括有蒜泥白肉🐷、川式芫茜蠔仔紅油水餃 🥟、紅油皮蛋 🌶️，三款都惹味又抵食！飲品方面，佢哋有各款特色飲品、台式手搖、各款無糖茶，總有一款啱你心水，我哋今次就揀咗哈密瓜啵啵冰🍈 同埋 桂花月光美人🌼另外，甜品選擇都好多元化，冰粉、涼粉、豆腐花佢哋都有齊！我今次就揀咗三色芋圓桂花豆花涼粉🍧，一次過滿足多個願望！