麻辣風雲 (已結業)

啊媽講咗好多次想去呢間食佢嘅酸菜魚，趁我今日唔使OT，就同佢去旺角食返餐！酸菜魚屬於餐廳嘅招牌菜，用上自家醃製嘅上乘酸菜，加上皮鮮肉嫩嘅魚片，食落酸度好足夠，而且魚肉一條骨都無，可以大大啖安心食用，裏面亦都配有萵筍、薯粉、芽菜、金菇、豆卜，絕對夠飽！炸饅頭金黃香脆嘅外層，包住軟熟嘅饅頭， 職員端上枱仲非常之有氣勢，企著一個威風凜凜嘅諸葛亮，船邊仲會噴煙添，記住預備定相機呀！香辣茶葉炒蝦超級推薦嘅一道小炒，蝦肉炸得金黃脆口，並唔油膩，炒上茶葉仲帶點甘甜！今次我哋叫咗小辣，雖然睇落有好多辣椒仔，但係實際食落唔會太嗆喉！花冰蜂蜜綠茶食咁多辣嘢，梗係要杯冰涼嘅解辣啦！音樂清新，面頭仲有桂花嘅點綴。