椒椒相見 (興發街) (已結業)

鐘意食川菜嘅buddies，一定唔可以錯過呢間有水準嘅川菜店🤤🧡餐廳菜式選擇非常多⁣，除咗火辣辣嘅小菜，亦提供唔辣嘅菜式遷就返唔食得辣嘅朋友，店舖裡外都有Graffiti，啱晒打卡啦😼⁣• 麻婆豆腐 $78⁣超好餸飯嘅一道菜，用上軟豆腐而非硬豆腐，煮起上嚟更巧功夫。豆腐非常之滑溜，加上惹味微辣嘅醬汁同豬肉碎炒香，輕鬆食曬成碗飯🤤⁣⁣• 水煮魚 $248⁣每次食川菜都會點水煮魚，我覺得依道菜好睇到餐廳嘅質素。呢度應該係我喺香港食過最好食同最fit我口味嘅水煮魚，雖然遷就咗朋友口味叫咗小辣，但係食落就覺得啱啱好，唔會辣到蓋曬啲味，辣度剛好止到癮。魚片係用上鯛魚片而唔係平價草魚片，口感超嫩滑，可以話係唔洗咬咁濟，魚味濃郁。湯底夠香、辣、麻，味精感唔重，認真係色香味俱全！配料有芽菜、蓮藕、萵筍同寛粉，特別鍾意味道清甜嘅萵筍，唯一挑剔嘅係寛粉比起之前食嘅厚身，係煙韌啲但相對嚟講冇咁嗦味😛⁣⁣• 泡椒炒大蜆 $108⁣炒蜆炒得好夠鑊氣，泡椒味可以再突出啲，呢個相對唔太辣，啱餸酒☺️⁣⁣• 蒜蓉炒油麥菜 $88⁣餐廳大部分嘅菜式都偏濃味，個人幾建議炒碟菜清下口腔。蒜蓉炒油麥菜，就係大家想像到嘅味道，勝