比我發現正野！！！ 呢度個蟹丼不得了！！！
每個定食有沙律，麻醬雜菜沙律
前菜係素翅+海蜇，味道唔錯
主角黎啦！！！ 松葉蟹丼定食 $200
呢個價錢包沙律+前菜+味增湯+圖中的蟹蓋蟹膏海膽同蟹肉丼！！！ 性價比超高！！
蟹蓋上面滿滿o既蟹膏同唔少o既海膽！
仲要點火！！！ d火熱一熱d蟹膏，香到呢～～～ 口水直流！
蟹肉份量多到呢！ $200 超抵！ 自己買料都差唔多呢個價！
蟹膏撈埋d海膽，鮮味再提升一個層次！
店員教落記得唔好浪費d蟹膏，撈埋d飯落個蟹蓋度，一滴都唔剩！
食到咁上下，加d蔥落d飯都，一黎有蔥香，而黎會令清新d，冇咁膩（畢竟都食左好多好多蟹膏），有另一種香甜～
可惜係晚市至有兼係期間限定，希望下次黎仲有得食！！！ 蟹呀蟹·～ 你要等我返黎呀！！！
另外要咗個18件自選壽司 （$300)
同樣包前菜、沙律同湯
一上碟就知道唔係一般壽司，d肉係睇得到o既鮮！
矜貴o既金木鯛魚都有得order～～～ 正！
d 三文魚子幾晶瑩剔透！
赤貝、蝦好鮮甜（其實其他都唔錯）
其中好開心呢度d芥辣係鮮磨o個種，good!
由我食第一啖蟹膏蟹肉飯o既一刻開始，我就好肯定我會再返黎！！！
呢d咁有heart o既小店，我一定會支持！
