Life Toast (海之戀) (已結業)

之前行海之戀商場經過見到間好令岩晒打卡既餐廳 原來係食生命吐司既 佢本身係銅鑼灣都有一間 但一直都未有機會食到 今次開係荃灣夠晒近 就可以去試下喇 餐廳設計左好多個好令既打卡位俾客人打卡 再加埋坐窗口位望出去係海 有太陽曬入餐廳既話影相會更加令 我地大約夜晚六點鐘去到餐廳 當時個天仲未開始黑 仲有啲光線可以打卡影相 望一望餐廳 都有好幾款吐司選擇 仲有好多小食 不過大部分都係炸野為主 佢地既吐司應該係軟殼蟹同埋炸雞扒係必食 見到人地食真係好大舊好大份 岩晒打卡 但我地就唔想食太熱氣 本身小食已經係炸 咁我地就揀左兩個吐司套餐 兩個套餐都會跟一款小食 再加錢就有飲品 我地揀左一個燒牛肩胛厚洋蔥溫泉蛋吐司同埋慢煮雞胸牛油果溫泉蛋吐司 首先講一講個吐司先 食落係熱辣辣 咬落去係脆卜卜既聲 仲有好香牛油味 仲甜甜地 塊麵包已經好好食 牛肩胛食落好淋身 好多肉汁 好juicy 牛既份量仲要幾多下 洋蔥好大舊食落好甜 另外慢煮雞胸有三大塊 食落肉質好嫩 唔會話好鞋身 牛油果好新鮮 雞胸加牛油果呢個配搭俾人感覺好健康 吐司入面仲有一塊新鮮既生菜 食落冇咁漏小食揀左一個係海苔薯條同埋一份牛油粟米 呢兩