更多
2017-07-06
3406 浏览
一年总有一两次食buffet既机会,今次适逄周年纪念,未试过两个人食buffet,一于就试下。想揾间浪漫D既酒店自助餐,雅苑座环境好似花园咁,又有live music,真系几好feel!Buffet 6:30pm开始,入座后即刻兜个圈,然后开始攞野食喇…冻海鲜最吸引系法国面包蟹,好快会比人攞晒D蟹盖,所以见厨师一拎新既出黎就要快手喇,蟹糕蟹肉非常多,好满足~ 其他有阿拉斯加蟹脚,都几鲜又唔会死咸,仲有冻虾、翡翠螺、蓝青口、蚬…净系沙律都有咁多款,每样试左少少,清新之选。去亲酒店食自助餐都会贪得意试下芝士,呢度都有4款,仲有提子同2种饼干配搭。回本位之一通常都有Parma Ham,不过本人唔太好,所以冇试,同时有烟三文鱼。海鲜主题每人送一份焗松叶蟹盖,配一盒鱼子酱, 平时都唔会食呢D矜贵野,估唔到buffet会送呀。虽然就咁食蟹盖都有味,不过加左鱼子酱一齐食,竟然味道唔同左! 鲜味好多,真系感受到咩叫画龙点晴。Carving 有美国prime rib,睇落好juicy,食落好有牛味。仲有济州猪@@ 上次去济州食烧肉食过就已经觉得好好味,成条烧又真系未见过,睇落有D dry,但原来食落又几
Buffet 6:30pm开始,入座后即刻兜个圈,然后开始攞野食喇…
冻海鲜最吸引系法国面包蟹,好快会比人攞晒D蟹盖,所以见厨师一拎新既出黎就要快手喇,蟹糕蟹肉非常多,好满足~ 其他有阿拉斯加蟹脚,都几鲜又唔会死咸,仲有冻虾、翡翠螺、蓝青口、蚬…
净系沙律都有咁多款,每样试左少少,清新之选。
去亲酒店食自助餐都会贪得意试下芝士,呢度都有4款,仲有提子同2种饼干配搭。
回本位之一通常都有Parma Ham,不过本人唔太好,所以冇试,同时有烟三文鱼。
海鲜主题每人送一份焗松叶蟹盖,配一盒鱼子酱, 平时都唔会食呢D矜贵野,估唔到buffet会送呀。虽然就咁食蟹盖都有味,不过加左鱼子酱一齐食,竟然味道唔同左! 鲜味好多,真系感受到咩叫画龙点晴。
Carving 有美国prime rib,睇落好juicy,食落好有牛味。仲有济州猪@@ 上次去济州食烧肉食过就已经觉得好好味,成条烧又真系未见过,睇落有D dry,但原来食落又几香嫩。
食海鲜我都系中意食热既,强烈推荐呢个烚海鲜,超新鲜,有蟹、濑尿虾、贵妃蚬、花甲、鲜鱿…真系不得了! 粉面都足足有5款,细食的我就冇加喇,不过男朋友有兴趣一试,加河粉配冬荫公汤,惹味又鲜甜。
而刺身寿司区都好精彩,除左基本刺身(三文鱼、油甘鱼等等),亦有我最爱既火炙寿司同卷物,种类颇多,个人觉得系酒店自助餐黎讲算系质素好个D。
通常食buffet都唔食太多热盘,原因系…要留肚食甜品! (非常期待帝苑酒店既甜品! )
先讲返热盘,海鲜菜式亦唔少,蒜蓉蒸扇贝(秒速被攞晒-.-)、炒蟹、芝士焗蚝、蒸海斑…又有济州猪叉烧,蜜香肉软、印度咖哩加薄饼,香料味出众、微辣够地道。多款烧味中,海南鸡饭点都要试下,鸡肉嫩滑同入味,最出色系个饭好香,香料味重,出面少有。隔离有串烧区,推荐牛舌同鸭肝多士。
每样都食D之后,终于都到甜品环节喇!! (第二个胃要出动) 好多好精美既甜品,基本上所有都想食。首先眼球就比玫瑰花吸引,呢几款应该系特别推出,因为而家有Canvas 既礼物送,呢几款玫瑰味好出,布朗尼好好食、玫瑰mousse cake层次好丰富,赏心悦目。另外Tiramisu系男朋友最爱,被感染下都成为心水甜品之一,对Tiramisu有要求既佢都话好味啊! Cheese cake系我不能抵挡既甜品,咁多种都攞晒,一食就停唔到口… 另外竟然仲有排队都未必买到既抹茶蝴蝶酥同原味蝴蝶酥,果然系名物,非常酥脆,牛油香、抹茶浓~
而有第二胃甜品既我见到有10种咁多既M字头雪糕,立即要心心眼。
最爱呍呢嗱味,幸好呢度系供应商用大盒装,因为近来试过其他地方既迷你盒装,觉得味道大不如前,都系大盒装味道如一。除左经典口味,有一种系我接受唔到但身边个个话最中意既青柠味,所以话口味呢D真系… (只可以话我地唔会争食啦~) 。其实仲有即整pancake,可加cream、香蕉、红豆,自选雪糕on side架。
同场加影约8:30pm会有一个大拿破仑蛋糕出埸,排队攞每人一件,又一饼店名物系呢度食到! 酥皮好松化有空气感,又不失酥脆,夹住一层一层吉士同杂果,食落好满足~
最后结论,今晚buffet令我地有个快乐既庆祝节目。食物多元化、新鲜、有水准。食完又有礼物送 (两人送一份,好彩冇人同我争~不过要到门士换,行开先换到),live music 令用餐时间好有气氛,最可惜系拎野食地方有D逼,但我想以后可以再同家人黎食呢~
张贴