更多
2018-06-23
1140 浏览
公司隔年都会喺利宝阁举办聚餐，我之前只觉得食物都系过得去，呢排同老公都返半昼，个个中午都钟意去饮下茶，叹下点心，享受下悠闲嘅午膳，于是我地就黎试下点心，同之前食围餐嘅经验相比，简直系有惊喜！喺䢂口见到呢张广告，揾埋苏施黄宣传谷饲叉烧蛋饭，$64连埋足料老火汤，唔系唔试下呀嘛。叉烧蛋饭真系必试，荷包蛋仲有㶶边，比起广告相更吸引，我本身就好钟意食㶶边荷包蛋，蛋边又香又脆；叉烧虽然大旧左少少，斩返两刀会易食d，幸好口感松化，肉质软腍，肥瘦适中，唔会太腻，脂肪烤得甘香，仲尝到外层麦芽糖嘅丝丝甜味，好有层次；白饭亦有饭香，有嚼劲，三者结合得恰到好处。随餐附送嘅足料老火汤绝不欺场，今日系木瓜雪耳鸡脚汤，单睇色泽已经知道个汤好浓郁，饮落就觉得好润。雪耳煲到又腍又滑，我地连汤渣都清得一干二净。除左叉烧饭，我地仲点左好几款点心。脆皮虾饺，撒少许炸蒜更添咸香。虾饺皮薄，最厉害系做到外层脆之余，仍然食到烟韧口感。虾肉爽脆，咬开仲有汁滴出来，难怪每粒要$11，但真系值得一试！另外仲点左一笼南翔小笼包。以茶楼质素来讲，算系有惊喜。平时去茶楼食果d一系一夹皮就穿，皮太淋，或者系入面一块冇灵魂嘅肉，不鲜不甜。但呢度
喺䢂口见到呢张广告，揾埋苏施黄宣传谷饲叉烧蛋饭，$64连埋足料老火汤，唔系唔试下呀嘛。
叉烧蛋饭真系必试，荷包蛋仲有㶶边，比起广告相更吸引，我本身就好钟意食㶶边荷包蛋，蛋边又香又脆；叉烧虽然大旧左少少，斩返两刀会易食d，幸好口感松化，肉质软腍，肥瘦适中，唔会太腻，脂肪烤得甘香，仲尝到外层麦芽糖嘅丝丝甜味，好有层次；白饭亦有饭香，有嚼劲，三者结合得恰到好处。
随餐附送嘅足料老火汤绝不欺场，今日系木瓜雪耳鸡脚汤，单睇色泽已经知道个汤好浓郁，饮落就觉得好润。雪耳煲到又腍又滑，我地连汤渣都清得一干二净。
除左叉烧饭，我地仲点左好几款点心。
脆皮虾饺，撒少许炸蒜更添咸香。虾饺皮薄，最厉害系做到外层脆之余，仍然食到烟韧口感。虾肉爽脆，咬开仲有汁滴出来，难怪每粒要$11，但真系值得一试！
另外仲点左一笼南翔小笼包。
以茶楼质素来讲，算系有惊喜。平时去茶楼食果d一系一夹皮就穿，皮太淋，或者系入面一块冇灵魂嘅肉，不鲜不甜。但呢度食到嘅系皮薄馅靓，皮带点韧度，咬开有丰富肉汁。
香茜牛肉肠，肠粉皮嫩滑，牛肉又滑，肉馅同肠粉结合得好紧密，绝对唔系肠粉还肠粉，牛肉还牛肉，肠粉要做得咁好，绝不简单。
甜点都试左两款——椰香酥脆蛋散、酥皮蔴蓉汤圆。
蛋散炸得够干身香脆，沾上些许麦芽糖同椰丝，唔会太甜太腻，食多几旧都仲得！
扭成绳结状，唔会系咪令到蛋散食落咁酥脆嘅秘诀？
酥皮蔴蓉汤圆，爱食甜点嘅老公激赞！外层酥蛋仲散发住蛋香味，糯米皮烟韧，蔴蓉仲有d流心。
已经有到好饱，仲送埋木瓜雪耳糖水，非常清润。顺带一提，部长同上菜嘅姐姐都非常好礼貌，招呼殷勤，会留意住我地有咩需要，话说叉烧太大旧，我地用只银匙自己分开佢，部长好紧张过黎问洗唔洗帮我地分；有时我地差唔多饮哂杯入面d茶，又会帮忙斟茶；老公去个洗手间都有两个部长指示佢点去，所以我见之前有d食评话服务态度差，我都觉得好诧异，希望将我今次嘅体验同大家分享一下。
张贴
