越來越愛 (已結業)

夜晚晚唔知食咩好，行過見到呢間越來越愛就入去試下。 餐牌有好多選擇，睇左一輪，決定試下佢個咖哩滑雞煲連白飯⋯⋯上枱嗰下，見佢個賣相都ok, 底部仲有個火爐仔暖住個雞煲，可以食都尾都係熱辣辣嘅。 但點都估唔到，呢個咖哩滑雞煲竟然色，香，味都唔俱全！我從來未食過無咖哩味嘅咖哩，唔單止無咖哩味，成個咖哩煲竟然可以咩味都無，連最基本嘅咸味都無！ 我諗個廚師應該連鹽都無落，因為成個煲都係淡茂茂。 除咗超級勁難食之外，我都諗唔到可以點樣形容佢！