金殿海景宴會廳 (已結業)

由於友人C記在九月牛一，而C記又十分之希望有友人跟他祝壽，於是乎一夥人相約同佢賀壽，這裡是聽講有些要求高的老躉經常來飲茶，我等後輩也來高盼一次吧，由於是日天清氣朗，陽光射進室內大廳倍覺闊落，環境光亮,有如置身空中花園,當然係擺酒請客嘅熱門地方啦,基本上點心全部都有水準，印象較深刻的有五層肉，皮脆之餘脂肪同肉層次分明，豬腳仔亦咬口剛剛好，有鼓油色但不咸，义燒腸夾埋條菜食幾爽口，有諗頭，粉菓皮晶瑩剔透，食落重幾烟靭下添，香竽流沙飽外形就真係好圓，千層馬拉糕雖然係“中點”但仍然喺中間有兩層深黃色嘅咸蛋黃層，食落味道其實唔會太感覺到但起碼有視覺效果，而如果要挑剔的話，蒸腐皮卷的面放蕃茄片除咗多點紅色之外，那蕃茄片唔會好食之餘，外形上重唔係好夾囉，沙薑雞腳斬腳趾時唔知係咪斬得太痛快腳趾唔見咗一大截!現時嘅新派茶樓，攞起張點心紙一望想搵個小點睇下其實幾難，除咗粉菓，牛肉球同一些糖水之外，好多時真係搵唔到，通漲令小點變成中點!