露面手工拌麵料理

营业中

休息中

露面呢個名好型，真係同朋友相聚，露一露面嘅好地方。🔶 嫩雞白布湯闊麵雞肉份量好多，仲有少許小唐菜配搭。返個麵本身，超薄超闊，雪雪聲咁食，非常過癮。白湯鮮甜，醇厚可口，令人一飲再飲。🔶 牛骨餃子麵套餐呢個套餐牛骨餃子湯麵，有4隻韭菜餃，仲包甜品！甜品可以揀西施燉蛋或者椰汁咋渣。牛骨餃子湯麵，一上台就係濃濃嘅牛味，都有幾嚿牛骨，但肉嘅比例都唔少，牛尾同蘿蔔都好淋好入味，配搭麵線非常清爽。韭菜餃餃皮彈牙，韭菜香味引人入勝，餡料飽滿。西施燉蛋，可以揀凍或者熱，滑得嚟又唔太甜，好香蛋味。🔶 玉蟹雲吞皇（5粒）玉蟹雲吞皇皮薄餡靚，蟹膏蟹子蟹肉混合，入口爆汁。🔶 野生松茸鮮雞湯野生松茸鮮雞湯，清甜又滋補，松茸入口香濃，正！🔶 香茅香水檸檬茶檸檬茶帶有淡淡香茅味道，味道清香，飲起黎唔會苦澀。