香港小熊

营业中

休息中

行過樂道見到呢間好得意嘅小熊輕食及飲品店，見到廣告牌上面嘅肉鬆小方，即刻衝入去想買，點知太晏已經賣晒，店員介紹我鬆餅都好好味，所以就買咗盒試吓。一盒鬆餅有三件，賣相精美，我每個味道都揀咗一個，有龍眼紅棗、開心果及朱古力味。鬆餅質感鬆軟，唔會過軟或過硬，甜度啱啱好，唔會太漏。開心果味有細細粒嘅開心果粒，食落去好有口感，而且好有開心果香。最驚喜係龍眼紅棗味，本身唔係特別好龍眼紅棗，不過加入鬆餅入面原來個味道好夾喎！食完鬆餅梗係要飲杯嘢啦，我就揀咗白桃烏龍茶，淡淡的白桃甜味，加入烏龍茶，飲落好清新好解渴，而且入面仲有果肉， 十分有口感。至於朋友飲咗美祿惡魔，呢真係好正，鍾意飲美祿嘅朋友一定唔可以錯過，好濃郁嘅美祿香，而且入面有豆腐花，又有咖啡果凍，配搭十分好！