影片
更多
2020-10-23
90 浏览
嚟到厚福街覓食，見到有間細細間嘅壽司店，都唔少人喺度排隊，裏面裝修好日式，座位不多，全部都係吧枱位，望住師傅整嘢食。我同朋友都覺得幾吸引，就決定係呢間食晚餐。等咗十零分鐘，就有位啦。我哋相信好食嘅嘢係要等嘅哈哈。鋪頭細細原來都幾多選擇，壽司款式算多，你可以散叫，或者嚟個壽司盛、刺身盛、甚至廚師發板，豐儉由人。我哋食完下午茶唔係太耐，咁我哋就唔叫咁多嘢食啦。 我哋叫咗一個拖羅海膽杯 (HKD138) 同埋一個特上壽司盛合 (HKD250)。師父一定技巧超純熟，我哋嘅食物好快就到。師傅會先放喺我地張枱上面一個細嘅木製平台上面，然後我哋再攞落去枱面度食。我哋先試拖羅海膽杯，賣相好精緻，我朋友見到都話整得好靚。 呢個拖羅海膽杯上面有拖羅蓉、海膽同埋三文魚子，下面係壽司飯。食材好鮮，加少少豉油每一啖都咁滋味，我特別鍾意吞拿魚蓉，齒頰留香，撈飯食一流；海膽味道都唔錯，冇腥味；三文魚子鮮甜有魚油香。不過飯嘅份量較少，幾啖就食哂啦。之後到壽司啦，呢度啲壽司好大件，件件都刺身大過飯! 絕對係足料㗎，食得出啲食材新鮮，望到海鮮上嘅光澤，都會估得到。我覺得個壽司飯嘅size恰到好處，唔需要咬開佢，一啖擺入口
等咗十零分鐘，就有位啦。我哋相信好食嘅嘢係要等嘅哈哈。鋪頭細細原來都幾多選擇，壽司款式算多，你可以散叫，或者嚟個壽司盛、刺身盛、甚至廚師發板，豐儉由人。我哋食完下午茶唔係太耐，咁我哋就唔叫咁多嘢食啦。 我哋叫咗一個拖羅海膽杯 (HKD138) 同埋一個特上壽司盛合 (HKD250)。
師父一定技巧超純熟，我哋嘅食物好快就到。師傅會先放喺我地張枱上面一個細嘅木製平台上面，然後我哋再攞落去枱面度食。
我哋先試拖羅海膽杯，賣相好精緻，我朋友見到都話整得好靚。 呢個拖羅海膽杯上面有拖羅蓉、海膽同埋三文魚子，下面係壽司飯。食材好鮮，加少少豉油每一啖都咁滋味，我特別鍾意吞拿魚蓉，齒頰留香，撈飯食一流；海膽味道都唔錯，冇腥味；三文魚子鮮甜有魚油香。不過飯嘅份量較少，幾啖就食哂啦。
之後到壽司啦，呢度啲壽司好大件，件件都刺身大過飯! 絕對係足料㗎，食得出啲食材新鮮，望到海鮮上嘅光澤，都會估得到。我覺得個壽司飯嘅size恰到好處，唔需要咬開佢，一啖擺入口就係享受。我自己較鍾意拖羅、 油甘魚、深海池魚同牡丹蝦。
另外呢間小店嘅服務都唔錯，店員都好密同你加茶，而且會同客人打招呼同講拜拜。
同朋友食咗間咁正嘅壽司店，大家都好開心，仲話下次如果再嚟，一定要食更多款式嘅壽司啊。
张贴
