心意餐廳 (已結業)

我一個學生介紹之下，唔順路都走去試下，下午四點到達集成中心，路過麥記，唔使講更係好多人啦！但呢間西餐廳就只得 3 幾台客，一個相信係老板娘而且幾靚既女人見到我入去就很開心咁行來招呼我，好似終於有客啦咁既樣。地方很整潔而舒服，餐牌上既下午茶由三十幾元至四十，我就要了一個三文魚麵包餐。先來一杯餐飲係橙汁，好好飲，唔係一般餐廳用橙粉開既橙汁，甜度適中，重有一粒粒既橙粒。主菜來啦，一蝶放置得很靚既三文魚麵包，剩係外型就已經知道佢地很用心做，配菜有一大堆生菜用另一種唔知名既菜，菜上有橄欖油香味既，但稍為鹹左少少；倆片麵包上放上多塊煙三文魚，麵包軟度適中，三文魚很新鮮，味道很香，很好味。四十元一個酒店式既午餐，非常低食。