潮丸 (已結業)

大東街又多左好多野食，今次去左斯呢間出名食潮州牛嘅潮丸。對於一間粉麵店黎講呢間真係好靚好乾淨，地方又大又寬，同舊式粉麵舖差好遠。我叫左個潮州魚三鮮湯河，湯底好淨再帶點點魚鮮味，魚蛋爽口彈牙，我加埋佢地秘製辣醬個味道仲加上一層樓。加外加左個小食蘿蔔，蘿蔔好甜，個上湯仲幾好味。另外朋友叫左碗牛丸麵，我食左佢一點牛丸真係好後悔冇叫到牛丸，因為真係好好食，同番大陸食個種潮汕牛丸一樣，彈牙爽口，又有少少牛筋係入面，口感好正，咬落去真係會爆汁ga原來呢到都可以單買牛丸番屋企煮，價錢係貴左少少，但係老闆話真係潮州入貨運到，真材實料，不過真係好好味。冬天可以黎買番屋企打邊爐。