味火鍋 (雅仕洋樓)

#精品火鍋 #放題 每位只係HKD359, 仲要有#海鮮 食！裝修有品味環保闊落又好坐， 唔怪得平日夜晚都咁多人等位啦❕【精選頭盤】#芝士焗波士頓龍蝦肉質好新鮮彈牙，龍蝦頭爆晒膏撈埋芝士好滋味，伴碟嘅蔬菜自帶沙律醬，加埋一齊食可以中和肥膩感#佛跳牆真係好足料，有原隻鮑魚、花膠、海參、瑤柱、鮮菇等等，每啖湯都係配料嘅精華，超正【皇牌時令 #海鮮拼盤】雖然唔係任食但估佢唔到咁大盤拼盤，有 #鮑魚、#海蝦，#台山蠔、#花甲、#蟶子、#墨魚滑、#蝦滑，超豐富真心高質【#美國安格斯牛 拼盤】#牛肩胛 油花分布均勻，#封門柳 牛味強烈，#手切牛小排 同 #牛板建 份量真係好多，食完都已經飽咗99%【湯底】#椰子雞 湯底異常出色， 超級足料香噴噴， 一滾起我就飲咗一碗湯，飲真係非常滋補【火鍋配料】常見嘅配料應有盡有，本來都已經飽飽但都試啲蔬菜同菇類，鮮姑同金菇吸收晒椰子雞湯嘅精華，加埋自身嘅菇味淡淡都好鮮味【飲品】提供多款茶同罐裝飲料可自取。啤酒一杯330ml 只係HKD28, #啤酒塔 HKD168