影片
更多
2021-08-06
74 浏览
餐廳：北斗 (九龍城)地址：九龍城福佬村道59號地下B號舖享受入職前最後一個假期，一個人去到九龍城呢間開咗4個月嘅北斗居酒屋食Omakase🍣，駐場嘅仲有一個嚟咗香港接近30年嘅日本師傅👨🏻🍳，全程用日文同英文同客人溝通，加上餐廳迴響住傳統日本節日慶典會彈奏嘅音樂，勁有去咗日本嘅感覺🇯🇵有3個Omakase套餐可以揀，我揀咗中間「斗」嘅set，承惠680🤪，等我接落嚟逐樣介紹吓啲食物啦✝️先付：有人蔘、山藥同蘿蔔漬物，由於本身已經醃製過，所以入口酸甜開胃，用料優質上乘，打響咗頭炮🤟✝️前菜：靜岡涼拌菠菜，將菠菜壓縮成圓柱狀，加上白芝麻同芝麻醬，另有番茄仔伴碟，惹味之餘相當有驚喜🥰✝️湯：日式高湯(Dashi)，喺日本料理入面有不可或缺嘅地位，堪稱日本風味嘅DNA，飲落香濃鮮香，入面仲有一粒話梅，一邊飲高湯一邊食話梅，正好取得一個鹹同酸之間嘅balance👍✝️刺身：由日本豐州到港嘅鮮魚，整成一道道刺身呈現喺食客面前，先嚟嘅喺加咗蔥碎同檸檬汁嘅原隻北海道帶子，色澤光鮮，飽滿鮮甜，唔洗蘸醬汁都好鮮味😋；再嚟嘅喺深海池魚同赤身吞拿魚；特別一提之後嘅炙燒大拖羅刺身，用紫菜包住，入面夾住細細舊Wasa
地址：九龍城福佬村道59號地下B號舖
享受入職前最後一個假期，
一個人去到九龍城呢間開咗4個月嘅北斗居酒屋食Omakase🍣，駐場嘅仲有一個嚟咗香港接近30年嘅日本師傅👨🏻🍳，全程用日文同英文同客人溝通，
加上餐廳迴響住傳統日本節日慶典會彈奏嘅音樂，勁有去咗日本嘅感覺🇯🇵
有3個Omakase套餐可以揀，我揀咗中間「斗」嘅set，承惠680🤪，等我接落嚟逐樣介紹吓啲食物啦
✝️先付：有人蔘、山藥同蘿蔔漬物，由於本身已經醃製過，所以入口酸甜開胃，用料優質上乘，打響咗頭炮🤟
✝️前菜：靜岡涼拌菠菜，將菠菜壓縮成圓柱狀，加上白芝麻同芝麻醬，另有番茄仔伴碟，惹味之餘相當有驚喜🥰
✝️湯：日式高湯(Dashi)，喺日本料理入面有不可或缺嘅地位，堪稱日本風味嘅DNA，飲落香濃鮮香，入面仲有一粒話梅，一邊飲高湯一邊食話梅，正好取得一個鹹同酸之間嘅balance👍
✝️刺身：由日本豐州到港嘅鮮魚，整成一道道刺身呈現喺食客面前，先嚟嘅喺加咗蔥碎同檸檬汁嘅原隻北海道帶子，色澤光鮮，飽滿鮮甜，唔洗蘸醬汁都好鮮味😋；再嚟嘅喺深海池魚同赤身吞拿魚；特別一提之後嘅炙燒大拖羅刺身，用紫菜包住，入面夾住細細舊Wasabi，油脂被紫菜吸收，一啖放入口有即溶嘅感覺，燒魚嘅香味隨住油脂慢慢散發出嚟，Oishi～～
✝️串揚：嚟自大阪嘅炸串揚物，平時炸物成日食，刺身都成日食，整成炸物嘅刺身魚你又食過未😎？金鯛魚、希靈魚、日本榮螺、松葉蟹鉗，每樣都喺即炸即上碟，放入口仲喺熱到㷫口嘅🥵，而我最愛嘅喺松葉蟹鉗，面頭有啲芥末籽，食落有少少辛辣🤏，蟹肉外層薄薄炸香，咬開脆口嘅外層有一疏疏爽口嘅蟹肉，形成口感上強烈嘅對比🤤
✝️合肴：意思即喺簡單細份嘅料理，原來喺濃湯半熟龍蝦加海膽，龍蝦肉勁大舊🦞，爽口彈牙，認真啖啖肉，加埋炙燒過嘅海膽就更豐富，連埋啲湯一齊食更加滋味添
✝️食事：可以揀佢哋嘅茶漬飯或者蔬菜烏冬，我就揀咗茶漬飯。以玄米茶做茶底，加咗明太子、紫菜碎、芝麻、蛋花等再撈勻，食落鹹香飽肚，有隱約嘅玄米茶香，夠晒特式🥢
✝️甜品：最後有靜岡縣嘅蜜瓜，當地氣候溫暖，日照時間較長，好適合種蜜瓜，而為咗比蜜瓜有更好營養，一株藤通常只收割到一個珍貴蜜瓜，所以雖然只喺食到3粒仔，但相信價錢都唔平，好清甜啊🤩
日本師傅同我傾咗唔少偈，由香港同日本嘅文化傾到醫療、生活等，仲教咗我唔少日文，有機會吓次再嚟詳談先😆
张贴
