SUKIYA すき家 (新達廣場)

新開張，諗住去試下。睇完Menu就叫店員落order，叫左個牛井,M size, 加份青菜set, 點知佢幫我落左個M size， 咖哩牛肉飯。咁叫人更正，話番佢知，我係要個牛井，M size 。佢好唔情願咁幫我去換。然後又有另一個人嚟確認多次，最後終於黎左個牛井，咁就食啦，食到一半，發覺點解其他枱個M size好似唔係這種碗，再望下張單，原來佢幫我落左個L size，唔怪之得食極都咁多。最後又比多左$10，又要夾硬去食。總之大家要小心，食物黎到要睇左張單啱唔啱先好開始食。

另外，講番食物質素，我覺得只係能入口質素，冇特別。如果佢冇黎錯，$29一個M size牛井，係合理價錢。