叁嵐 (已結業)

以前都幫襯過幾次，食物嘅質素係唔錯但係今次再幫襯嘅時候，就遇上一個唔好嘅經歷今次去到，見到唔係平時嗰個肥仔店員（唔好介意😂），今次係個戴藍色眼鏡嘅男仔。咁我就落單，我叫咗雞腎，雞肉，雞軟骨，雞皮同一串菇（其他唔記得），個男店員收錢時態度極差（呼呼喝喝成個收數佬咁），好似前世欠咗佢咁。個男仔一路燒，個樣好似死老豆咁，果陣都心知不妙，當我拎完嘢食返到屋企打開個蓋嘅時候（相都廢事影），就發現啲雞腎係生嘅，即刻冇食到，啲雞肉，雞軟骨同串菇好似白烚咁，一啲味都冇，串雞皮仲離譜，一咬落去成浸雪味出晒黎，lur都lur唔切。最後成盒冇食過就丟咗😪。麻煩貴店老闆跟進一下該男店員嘅服務態度及食物質素，希望下次再幫襯時有所改善。