影片
更多
2009-12-13
11 浏览
今日(13-12-2009 Sun)男友有工作要上大陸,就同佢落荃灣食早晨啦.又行入呢條茶餐廳街搵o野食,行經呢間,男友見佢有早餐,而且我o地又未食過呢間,就試呢間啦.時間應該係10:10am啦,細細間o既舖仔,已經幾多客人,但都重有位o既,但幾迫吓,大家要就住就住啦.我同男友都要$20.00o既早餐,男友要A餐,有牛油多士,煎雙蛋同火腿通粉,飲熱檸水.而我要E餐,有牛油多士,火腿奄列茄汁豆同沙爹牛肉麵,一樣飲熱檸水.好快,飲品先到,而男友o既食物都到埋,由於張枱真係太迫,男友就將煎蛋放入通粉內,拎起件多士食,佢話多士好食,熱辣辣同脆,好過大家樂早己整好o既韌多士.而通粉呢,佢話好重味精.至於的o既食物都到o黎,我都先食多士,係熱辣辣,火腿奄列同茄汁豆都係咁啦,但茄汁豆又係少得可憐,得o個5粒左右.而沙爹牛肉麵呢,麵係公仔麵,都滑o既,至於沙爹牛肉,都OK o既,冇乜大問題.男友畀o左啲通粉我食,我覺得都有啲彈牙,而味精係重o左少少o既.一路食一路都多人o黎喇,我又覺得迫,唔多舒服,所以快快食完就走.不過咁平價錢,迫夾都無可避免啦.衛生:值得一讚o既,因我o地隔離o個兩個客比我o地先走
時間應該係10:10am啦,細細間o既舖仔,已經幾多客人,但都重有位o既,但幾迫吓,大家要就住就住啦.
我同男友都要$20.00o既早餐,男友要A餐,有牛油多士,煎雙蛋同火腿通粉,飲熱檸水.
而我要E餐,有牛油多士,火腿奄列茄汁豆同沙爹牛肉麵,一樣飲熱檸水.
好快,飲品先到,而男友o既食物都到埋,由於張枱真係太迫,男友就將煎蛋放入通粉內,拎起件多士食,佢話多士好食,熱辣辣同脆,好過大家樂早己整好o既韌多士.
而通粉呢,佢話好重味精.
至於的o既食物都到o黎,我都先食多士,係熱辣辣,火腿奄列同茄汁豆都係咁啦,但茄汁豆又係少得可憐,得o個5粒左右.
而沙爹牛肉麵呢,麵係公仔麵,都滑o既,至於沙爹牛肉,都OK o既,冇乜大問題.
男友畀o左啲通粉我食,我覺得都有啲彈牙,而味精係重o左少少o既.
一路食一路都多人o黎喇,我又覺得迫,唔多舒服,所以快快食完就走.不過咁平價錢,迫夾都無可避免啦.
衛生:
值得一讚o既,因我o地隔離o個兩個客比我o地先走,亞姐自然會抺枱.咁冇人o既時候,我就自然將食完o既碟擺過去,亞姐收o既時候又再抺,真係唔錯.
即使係好普通o既早餐,但味道分可以畀3.5o既.
张贴