許留山 (已結業)

老朋友晌加拿大返港辦理私事，食完午餐，話想食吓甜品，路經許留山，就建議一齊入去試吓。不過，老友對「許留山」嘅印象原來仲停留晌食龜苓膏嘅年代，講你都唔信呀！所以，更要帶佢見識吓經歷幾許風雨，到依家仲屹立不倒嘅「許留山」。 一如過往，佢哋大多數嘅鋪位都有少少蚊蠅鋪，而呢個鋪位就又長又窄，套用星爺嘅一句話，排到啲櫈有咁窄得咁窄，等啲客人食完快啲走，做多一、兩轉生意。鮮果鴛鴦西米撈 $58餐牌就打咗星星，標示可以自選兩款汁底，結果，原來喺無得揀，如圖所示只有芒果汁底配西瓜汁式，再配上一小碗新鮮生果，令賣相色彩繽紛。兩款汁底撈勻，都幾鮮甜，內裡混有好多咬口嘅西米，啲生果都唔錯，頗為清甜多汁，唯獨啲奇異果太生，又酸又硬。芒果糯米糍 $28一客有3大粒，沾滿椰絲，一口咬落去，雖然個人覺得外皮有點厚，但口感軟綿黏糯，而且，見到外皮喺橙黃色，就知喺加入芒果汁做嘅糯米皮，內藏一大粒芒果肉，清香得嚟未喺最甜，但已算喺好唔錯。兩個人簡簡單單食咗兩款甜品，老友就讚啲甜品好睇又好食，但對於我哋香港人食慣呢類甜品，兼且依家啲港式甜品店出嘅款式又新又具創意，所以，對我嚟講就唔算好特色，只喺做番「許留山」嘅應有水準吧！