勝面 (已結業)

台式甜不辣拼花枝丸滷肉飯 $62整體分量都幾足👍，花枝丸炸至外脆内軟。甜不辣同之前食既完全唔同，呢到既甜不辣煎炸至外皮微脆，偏乾身。但之前食既係軟軟糯糯，比較煙靭，而且上面會淋上醬汁，個人覺得兩種都好味😋。滷肉飯表現正常，但滷肉可以再多啲。 涼拌手撕無骨鹽水雞滷肉飯 $70鹽水雞係分開另上，都幾大碗，鷄肉唔會過乾，而且麻油分量剛好，整體唔會太油，加埋青瓜食好fresh💁‍♀️。 流心麻薯芋泥鷄蛋手工手抓餅 $38本身期望都幾高，可惜有啲失望😿。手抓餅似一早整好放係度，涼涼地，亦都做唔到流心麻薯效果🙈，不過麻薯同芋泥都幾有椰奶味，味道唔錯，加番啲分。由於手抓餅已經放涼左，所以餅皮唔脆。整體黎講，唔熱既手抓餅扣左唔少分。